නුඹලා කියන විදියට
මගේ අඹු සිගිත්තී
රජ මැති සිටුවරැන්
ඇසුරට කැමැත්තී
උන් නිසා කෙලි දෙනේ
සිටින්නී
අහිංසක ගෑනි
දන්ත ධාතුවක් කිසිදා
දැක නැති හේමමාලී
හොරි හැදුනු
බල්ලන්ට බළලුන්ට
කවන්නී පොවන්නී
බලු කම් නොදන්නී
ණය තුරැස් වී පවා
දන් පින් කරන්නී
යුතුකම් පිරිමසන්නී
ඇල් වතුර බොන්නී
අනාදරය හින්දාම
වැඩිපුර කෝප ගන්නී
නුඹලා කියන විදියට
රජුන් මැති‍්‍දුන් නිසා
කෙලි දෙලෙන් සිටින්නී
අපටම
දහ දොලොස් වතාවක්
පයින්ම කඩේ යන්නී
දේෂපාලනයක් ගැන නොදන්නී
ඉවෙන් මෙන්
ගද සුවද හදුනන්නී
කඹුරලා කඹුරලා
මා ලැබූවක් නැතත්
මට වඩා සන්තෝසෙන් ඉන්නී
කුඩු කේඩු කම් කරන
උන්ගෙ අම්මලාටත්
කැත නැතුව
දණ ගසා වදින්නී
( රත්න SRI විජේසිංහ - ලක්බිම )
No comments:
Post a Comment